بودكاست

صارلي فتره قاعد ادرس الفكره .. ولكن المسأله باتت شبه مؤكده

راح اسوي بودكاست خاص وسيكون طرحه ساخر شوي ويركز على شغله معينه احب اني ما اعلنها الحين لحين انتهاء المشروع بالكامل واكيد راح اسوقله في هذا البلوق الميت

وشكراً

تحليل فني بزنسي انترنتي: العزوف عن التبليق

العزوف عن التبليق

انتشرت مؤخراً ظاهرة العزوف عن كتابة البلوق بوستز .. والسبب يعود لأن العموم قام ينغمس في السوشل نتووركنق والمايكروبلوقنق .. يمكن بعض البلوقرز لا يزالون متمسكين بروتينهم اللي تعودوا عليه ولكن المشكله زوار وقراء البلوقز تغيرت توجهاتهم وهالشي طبيعي بالـ ايفر-جينجنق بزنس وورلد .. فعلشان جذي، على البلوقرز ان يقوموا بعملية الكونسدريشن للمحتوى ان يكون قليل الكلام وكثير المعنى بحيث ان لا يتعدى المقال البلوقي اكثر من 14 سطر وأن يحتوى على صوره تختصر اكبر قدر ممكن من الكلام علشان يمشي سوق البلوق

هذا اهو مستقبل البلوقنق .. الذي هو مهم جداً في الحياة النتيه ولكن العزوف عنه من قبل البلوقرز الهبه سيكون كبير جداً خلال السنتين القادمتين.

شاكرلكم حسن قرائتهم للتحليل الفني

باجر دوام !!

قمه الملاغه لما تخلص عطلتك وتبدا يوم عمل بعد عطله وتتراكم عليك الاشغال في يومك الاول وانت مو جاهز ١٠٠٪ للشغل
ولكن هذا شي حتمي ..

هذي آخر دقايق من عطلتي حبيت أهنيكم فيها بالسنه اليديده وكل عام وانتم بألف خير

#2012

!!! محد طبيب أسنان بعد اليوم

تسع ملاغات مايسوونها الا بنات تويتر

بنات تويتر وما ادراك ما بنات تويتر ..

خل اختصر الموضوع .. اخذ عندك:-

1 – صورة الريول الجماعيه .. هذي بمثابة الجنسية عندهم إلكترونياً

2- تكتب “حبيبتي فطووم احبج وايد استانست معاج” وفطووم اصلاً قاعده يمها!! قوليلها وخلصينا!! احنا شكووو

3- تتشكى على خدمة مطعم [بعد ماراح آكل من ابل بيز وييييع] وبعد اسبوعين كاتبة: أبل بيز تاااااايم

4- ومايبيله طبعاً صورتها و المكياج فل وتصوير جامة دارها وتحط الفلاش عالويه ..

5- حاطه صورة كورن فلكس بمرق وفوقه روب وخيار وتكتبلك: يمييي لذيييذ !!! لوع الله جبد ابليس معدتج

6- كل شوي ابديت كاتبتلي اغاني ماجد المهندس .. ترى والله موقع طرب موجود !! شخباري طرب هههههههه

7- اغنيه رتويت .. سياسه رتويت .. رياضه رتويت .. سب رتويت .. سلام رتويت .. كلام رتويت .. الحين راح تاخذ هالبوينت وتسويله رتويت !!!!

8- كل مازعلت من الحب تكتب: بيباي تويتر راح امسح بروفايلي .. ولما تدزلها مسج تقولك: لا بس بشوف منو يغليني !! .. يبا قولي ابي رقمك او البن مالك بفضفض ههههه

9- تترجم سطر من اغنيه مجوودي المهندس (مانخلص) بالفرنسي وتكتبها على بو انا اللي سفا بيان ميغسي بوكو !! استريحي

خلااااص .. كفااايه ..

انا 9
اهما 0

وشكراً

11.12.11

بسم الله .. وبسم الأمه

نبدأ التبلوق .. وانشالله بتشوفون شاللي عندي من طاقات كامنه واطروحات خاصه فيني شخصياً ولا تمثل اي حركه او بركه او فئة او طائفه …

فـ أنا … بإختصار … أحـمـدوو