قوة !! ..
اليوم رحت مكتب السفريات حجزت التذكرة ون ويي حق الكويت !! .. طلعت علي بالكويتي 200 دينار 
قبل كنت احجزها روحه ورده بـ 200 .. بس النفط زايد سعره هاليومين مو مخلي احد بحاله !
المهم .. حجزتها تاريخ 31-7 اطير .. وانشالله 1-8-2008 الصبح اطب مطار الكويت الدولي !
العاده كل 3 اشهر ارد الكويت بس هالمره صارلي 6 اشهر مو راد .. وهذي على قولتهم رده واستقرار بالكويت خلاص ! .. شعور ماينوصف
من اول يوم قررت فيه الدراسه في بريطانيا .. وعدت نفسي اني اشوف مسرحيه باي باي لندن بآخر يوم لي في بريطانيا !! .. وهاليوم راح يكون انشالله 31-7-2008 الفير ..
وفي النهايه اقول .. الدراسه في الخارج تجربه حلوه علمتني وايد اشياء .. ولو ان التعليم العالي اعتبرها من اسوأ الوزارات عندنا بالديره .. بس يعطيها العافيه حكومتنا على توفير كل الدعم عن طريق المكتب الثقافي في بريطانيا .. [ المديح فقط للمكتب الثقافي والسفاره في لندن .. مو وزارة التعليم العالي! ] ..
ملحوظة: شعار البلوق توني سويته عالسريع لأن مالي خلق .. وطلع مو شي .. فـ بقعد اسوي واحد ثاني الحين !
